పవర్ స్టార్ పవన్‌కళ్యాణ్, దగ్గుబాటి రానా నటిస్తున్న మల్టీస్టారర్ మూవీకి పాత సినిమా టైటిల్ పెట్టే అవకాశాలు కనిపిస్తున్నాయి. మలయాళం మూవీ ‘అయ్యప్పనుమ్-కోషియం’కు రీమేక్‌గా వస్తున్న ఈ సినిమాకు ‘బిల్లా-రంగా’ టైటిల్ పెట్టాలని చిత్ర యూనిట్ భావిస్తోంది. ఈ టైటిల్‌‌తో గతంలో (1982) మెగాస్టార్ చిరంజీవి నటించిన సంగతి తెలిసిందే. పవన్ ప్రస్తుతం నటిస్తున్న వకీల్ సాబ్ షూటింగ్ ఈ నెలాఖరుకు పూర్తి కానుంది. అది పూర్తయిన వెంటనే ఆయన బిల్లా-రంగా మూవీ చిత్రీకరణలో పాల్గొననున్నాడు.
ఈ సినిమాలో బిల్లాగా పవన్, రంగా పాత్రలో రానా నటించనున్నారు. ఇక ఈ మూవీలో రానా సరసన నివేదా పెతురాజ్ నటించే అవకాశం ఉందని ఫిలింనగర్‌లో టాక్ వినపడుతోంది. ‘అల వైకుంఠపురంలో’ బన్నీ మరదలి పాత్రలో ఆమె మెప్పించింది. సితార ఎంటర్‌టైన్‌మెంట్స్ పతాకంపై నిర్మిస్తున్న ఈ సినిమాకు సాగర్ చంద్ర దర్శకత్వం వహిస్తున్నాడు.
No comments:
Post a Comment