ప్రముఖ నిర్మాత అల్లు అరవింద్ కాంపౌండ్ నుంచి వచ్చిన ఓటీటీ ‘ఆహా’ కంటెంట్ పరంగా దూసుకుపోతోంది. డిజిటల్ మీడియా వేదికపై కొత్త సినిమాలు, వెబ్ సిరీస్‌లతో పాటు టాక్ షోలను స్ట్రీమింగ్ చేస్తోంది. ఇప్పటికే సుమతో ఓ టాక్ షో ప్రసారం కాగా ఇప్పుడు స్టార్ హీరోయిన్ సమంత ‘సామ్ జామ్’ షో చేస్తున్న సంగతి తెలిసిందే. ఈ షోలో భాగంగా విజయ్ దేవరకొండ, రానా, తమన్నా, సైనా నెహ్వాల్ దంపతులతో ఇంటర్వ్యూలు చేసిన సామ్.. ఇప్పుడు ఏకంగా మెగా కాంపౌండ్‌లోని హీరోలతో ముచ్చటించింది.
ఈ వారం అల్లు అర్జున్ షో ప్రసారం కానుండగా.. క్రిస్మస్ సందర్భంగా మెగాస్టార్ చిరంజీవి ఎపిసోడ్‌ స్ట్రీమింగ్ అవుతుంది. ఈ షోలు ఆహా అనిపించేలా ఉంటాయని నిర్వాహకులు ఆశాభావం వ్యక్తం చేస్తున్నారు. ఇప్పటికే వీటికి సంబంధించి చిత్రీకరణలు పూర్తయ్యాయి. త్వరలోనే ప్రసారం కానున్న ఈ షోలు ప్రేక్షకులను ఆకట్టుకుని అధిక వ్యూస్ రాబడతామని ‘ఆహా’ మేనేజ్‌మెంట్ ధీమా వ్యక్తం చేస్తోంది.
No comments:
Post a Comment